تحت التدريب


Intern

تحت التدريب


شاهدت منذ فترة فيلم إسمه (تحت التدريب)

بطولة المتمكن روبرت دي نيرو


الفيلم كان بيظهر أهمية خبرة كبار السن في إدارة الأعمال
وتأثيرهم الإيجابي على بيئة العمل
الجميل في قوانين العمل في أمريكا (طبقا للفيلم)
إن الشركات لازم تعين متدرب في الشركة
من الناس اللي أعمارهم فوق السبعين
(ومالكة الشركة ومديرتها كانت تقريبا 30 سنة)
والموضوع ده بيعمل نقل خبرات عملية واجتماعية كويس جدا


الموضوع ده لمس نقطة كانت تهمني بشكل شخصي
لأني درست الهندسة في بيئة طبية بحتة لكون أسرتي كلها أطباء
وكنت أحيانا أشعر بالغربة أثناء مناقشاتهم العلمية
فلم يكن لي بعد الكلية مرجع أو أب روحي أسأله في مشاكلي الهندسية
اللي هي أحيانا بتكون علمية لكن في أكثر الأحيان بتكون مشاكل عملية
تحتاج إلى استقاء مهارات ورشد أهل الخبرة


وده كان بيتحقق في الفيلم بالمعايشة الحقيقية في بيئة العمل مش من خلال الإنترنت
المهندسين الكبار فوق السبعين .. دول ثروة عظيمة جدا
وعندهم خبرات عملية قيمة جدا

وأحيانا الواحد بيكون محتار بين قرارين ... الإثنين صح ..
لكن بيكون محتاج يعرف الأصح


ولغاية ما يكون عندنا قوانين تتوج الشركات والمؤسسات بخبراتهم
أو منتديات دورية لنقل الخبرات في نوادي المهندسين
يا ريت ما يبخلوش علينا بخبراتهم ونصائحهم
كلما تتاح لهم فرصة .. لأننا فعلا محتاجينلها


#سفسطة

تعليقات

المشاركات الشائعة من هذه المدونة

ربنا يحفظك يا ولدي

الاجتماع الأخير

والمصحف أنا مسيحي